01
06.2021

【小坐月】炒米茶

親子育兒(日常)   其他  

因為太突然,感覺有點不知所措。手術過後才定下心神,開始意識到要調理身體,今次係純粹個人分享,無任何中西醫認可方案,人人體質不同,如果真的比較著重調理身體,最好都係資詢家庭醫生或中西醫師。

 

其實自己都無乜所謂嘅進補,主要都係1️⃣食得清淡啲和熱食、2️⃣休息多啲、3️⃣避免濕水、4️⃣保持心景平靜(當然如果開心啲會更好)。

 

 

 

 

 

🍚炒米茶

 

小產後明顯地身體會比較虛弱,成日都覺得好凍,又會腰痛,大概係失血過多嘅問題,胃口還好,唔算很差,但確實係口淡淡。 成日都會覺得好口渴,不斷飲白開水,感覺好dry,仲有水腫問題。

 

 

而炒米茶感覺有米氣落肚,有暖胃作用,至於材料真的可以跟據個人需要自由配搭,簡單至只炒純白米,或者複雜些少用上紅棗、藍藻、桂圓之類嘅補血食材。

 

 

👉🏻Mojo自家炒米茶材料:紅米、黑米、糙米、陳皮、茶包袋

 

 

 

 

 

 

📑炒米方法:

先將米粒沖沖水,掠乾水後熱鍋加入紅米、黑米、糙米、細火翻炒至米變成金黃色(會聞到焦香味道),待米粒攤涼後再連同適量陳皮一同放入茶包。

 

 

炒米茶製作簡單,因應唔同人嘅體質而加不同材料,再焗茶15分鐘就飲得,超方便!手術後頭一星期都會出血/惡露,所以個人用的炒米材料都係以平和開胃為主。

 

 

一向都唔喜歡飲白開水,炒米茶無咖啡因、天然、無糖,亦明顯有改善胃寒問題,相信小坐月完結後都會繼續飲😊。

 

 

 

 

 

🧡薑心比心

 

 

之前提到要「避免濕水」,但沖涼洗頭點避? 無錯!毫無準備下,手術後當日,我也是一回家便快速沖涼🚿,但真係覺得好寒🌬️,有少少凍到入心。一直知道網上有沐浴薑包之類嘅東西,但對我而言都太唔方便,什麼生水熟水....邊有心機、氣力去攪咁多嘢(由其係手術後頭三天,真係比較攰),好彩係夏天,又未至於寒冷到非用薑包不可,所以最後就上網買咗台灣品牌「薑心比心」嘅沖涼、洗髮及護髮露。

 

上網訂得黎都要三天後才收貨,所以頭幾天都只是快速沖涼,洗頭真係直至收到「薑心比心」。係以前都有用過類似薑類嘅沖涼和洗髮產品,但覺得名過於實,味道明顯係人造嘅薑味,試過用一款薑類沖涼液,應該加咗一啲「辣」身嘅成份,沖緊熱水嘅時候還可以,但一停熱水就比普通沖涼液更寒,唔暖身之餘好易攝親。

 

而今次用嘅「薑心比心」味道比較天然,沖涼洗髮後都可維持暖意,等待收貨呢三天都係值得嘅😊,當然最重要記住抺乾淨後,⚠️立刻吹乾啲頭髮佢。

 

 

 

📝 #流產手術 後10天日記分享

 

0️⃣手術後當天(Day0)

🩸出血量多,如果好唔舒服、太暈可以飲下寶礦力。

 

😴身體狀況:有沖涼🚿無洗頭,好攰好攰嘅一日,全日都差不多係醫院。

 

 

 

《🔁更多有關手術當天的分享👉🏻 【💫天使媽媽憶記】再見7週小天使(公立醫院進行人工流產流程)

https://blog.ulifestyle.com.hk/article/mojochu/4133882/ 》

 

 

 

1️⃣-3️⃣手術後(Day1-3)

🩸手術後1-3天都係會間歇性出血,但流量會係似月經最後的一兩天,不算很多但keep 住流啡。

 

😴身體狀況:剩係沖涼,無頭暈,係口淡淡,呢幾日都有少少腰痛,胃口尚算可以,好容易攰、會痛,剩係休息乜都無做。

 

 

 

4️⃣-7️⃣手術後(Day4-7)

🩸手術後第4天都係會間歇流啡,量係一天比一天少。

 

🙂身體狀況:第四天終於收到「薑心比心」可以洗頭了。

 

第四天腰痛減輕,感覺都比之前精神咗好多,諗住出街行下啦,係super market買餸行咗一個鐘又腰痛,即刻返屋企,竟然一下子大量流啡,之後就怕怕,隨後幾天主要留係屋企休息,但每天都堅持落一落街,不過都唔會多過半小時。

 

 

 

8️⃣-🔟手術後(Day8-10)

 

🩸手術後第8天已好少啡色,第9天完全停晒出血😄。

 

😄身體狀況:感覺好返好多☺️,飲食亦回覆正常胃口,不過到第八天突然間覺得自己好肥,又學人做Sit-up,一下都起唔到之餘,仲要痛到呢😅😅所以千祈唔好心急做運動,或者等休息兩星期後吧....不過八至十天我都堅持係屋企行行企企,當然攰就坐低休息,感覺水腫明顯地減退。

 

 

飲食方面,因唔想濕水所以唔會自己煮,如果有人幫手煮飯、坐月咁就恭喜你☺️,但其實無家人或工人幫手,問題亦不大,都係乜都上網,最多比貴些少,點一啲以蒸煮和比較清淡嘅野食就得。

 

 

最後,大家記得要好好把握小坐月這頭7天(小產後醫生會是乎病情,一般病假七天),這七天話真的很關鍵。大家一齊努力養好身體,將來一定好孕💪💪。

 

 

 

 

 

 

《🔁更多有關手術當天的分享👉🏻 【💫天使媽媽憶記】再見7週小天使(公立醫院進行人工流產流程)

https://blog.ulifestyle.com.hk/article/mojochu/4133882/ 》

 

 

 

#薑心比心 #炒米茶 #小坐月 #小產  #養生  

發表於2021.6.01
留言(0)
博客名稱 :
Mojo Chu
網誌名稱:
Mojochu's blog
使用天數:1,076
性別:
年齡:1
電郵:Mojochu@yahoo.com
按月份瀏覽
    2021
  • 一月
  • 二月
  • 三月
  • 四月
  • 五月
  • 六月
  • 七月
  • 八月
    2020
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 生活品味
  • 其他