22
06.2021

【生髮中心推薦】生髮中心邊間好?中草藥生髮 V.S. 高科技醫療激光邊樣好!分享揀選生髮中心心得!

美容時尚(儀器)   親子育兒  

好多媽媽級嘅網友都不約而同話我知,佢地都有甩頭髮嘅煩惱!冇計啦~媽媽係陀B個陣雖然補咗好多營養,但係生B個陣就一次過流失晒,而且之後湊BB又要好多時間、心機,你都咪話唔大壓力呀!

 

產後媽媽甩頭髮都唔係少見,多數媽媽都係由髮線後移開始,你地睇有咁多女明星生完仔都甩頭髮甩到俾網民笑,就知女人甩頭髮有幾慘。我都好感同身受架,因為我前年生完小朋友之後,都狂甩頭髮,甩到成個清朝人咁,所以我真係好想快啲生返啲頭髮!

 

不過要生頭髮邊有咁易,靠自己就真係唔知幾時先見效,所以一開始我就決定去搵生髮中心試吓,始終有專業人士幫手,一定比自己亂食藥或者亂搽嘢安全好多!我就唔係試咗好多間,前後都係2間姐,但係就已經搞掂咗產後甩頭髮嘅問題。係試唔同嘅生髮療程期間,我都學咗唔少嘢,所以今次想同大家分享一吓,我自己係揀生髮療程個陣有咩會注意,同埋有咩心得。另外仲會同大家推薦我覺得唔錯嘅生髮中心~

 

頭先都話咗我只係去過2間生髮中心,一間係我細細個已經聽過嘅李采玲,另一間就係近幾年先比較Hit嘅Perfect Hair。其實呢2間生髮中心用嘅技術、功效都好唔同,一間就中草藥生髮,另一間就用上高科技激光生髮,以下我地就嚟睇吓呢2間生髮中心邊間好,我又會推薦邊一間生髮中心呢?

 

----------------- 我是分隔線 -----------------

 

生髮中心推薦:技術

 

係揀生髮中心個陣,我個人嚟講就最睇重佢地用咩技術,因為生髮療程用咩技術正正係生唔生到頭髮嘅關鍵!就算其他配套幾好、價錢幾平,無效就係無效,生唔到頭髮就係生唔到,所以建議大家係揀生髮中心或者生髮療程個陣,一定要了解清楚人地用咩技術。

 

我當時係去咗李采玲先嘅,點解揀佢?原因無他,因為係電視到睇到佢地賣廣告囉,咁當然我都有上網睇吓佢地有咩服務嘅。李采玲嘅selling point就係中草藥焗髮療程,就算係佢地網站都唔會寫得好清楚究竟佢地用咗咩中草藥,而且佢地得焗髮呢一樣嘢,其他咩按摩頭皮、穴位按摩、中藥食療都唔會有。

 

至於Perfect Hair就有一個F8生髮療程,係用咗近年得到美國FDA認可,可以用係生髮治療嘅醫療級軟激光。一個療程就可以做到深層清潔、激活毛囊、止脫活髮嘅功效,的確幾省時同多功能!Perfect Hair用嘅醫療級軟激光,可以深層淨化頭皮細胞,修護頭皮健康,同時促進毛乳頭細胞同毛細血管生成,令頭髮毛囊變得更加健康,自然就可以令頭髮越來越濃密!

 

Perfect Hair用嘅係經過好多臨床科研嘅生髮技術,而且佢地網站都寫得好清楚生髮療程嘅原理,同李采玲相比,Perfect Hair嘅資訊透明好多,所以技術嚟講,Perfect Hair勝!

 

生髮中心推薦:時間

 

做生髮療程嚟講,一共要做幾多次都好重要,因為做生髮療程嘅頻密程度同次數,都會直接影響啲療程技術發唔發揮到,所以係正式join任何生髮療程之前,一定要了解清楚成個療程要做幾多次,同埋個package包幾多次(有啲生髮中心最後會話唔太有效,分分鐘要你加錢再做多幾次療程~)。另外,如果一星期要做成3至4次,其實都會幾唔方便,你地諗下湊住BB仲邊有咁多時間呀?

 

我去李采玲做生髮個陣就係逐次收費嘅,呢個都係佢地嘅selling point之一,佢地完全冇package,做幾多次就收幾多次錢。雖然咁樣好似幾好,但我做落就知有咩唔好,第一,因為冇任何plan,所以實在唔知要做幾多次先至叫完成一個療程,好似永無止境咁,第二,逐次收費雖然好,但係對我嚟講會少咗去焗頭嘅動力,因為會覺得反正我冇俾錢,下次先去啦~第三,都係因為冇任何package,所以我都唔知應該一個星期去一次定兩次,如果我今個星期冇做到,又可唔可以下個星期補焗返呢?

 

所以雖然李采玲逐次收費呢個點係幾好,但係做咗幾次之後我就冇咩動力再去(加埋其他原因),之後我就轉咗會去Perfect Hair。

 

Perfect Hair一開始就係廣告寫明,$2888有10次F8生髮療程,咁我一開始冇即刻join嘅,我先試咗佢個free trial,覺得成個package唔錯先扑鎚買。$2888有10次療程,Perfect Hair都講到明可以做到2至3個月,而且平均3個月就可以見到生髮效果,咁有個目標係到,我都更加有動力去Perfect Hair做療程!

 

另外,Perfect Hair嘅治療師都講明,一個星期淨係做一次,咁就清晰好多,我每個禮拜搵一日,趁阿B上playgroup又好,搵奶奶睇住阿B兩粒鐘,我就可以去Perfect Hair做F8,而且一次療程都係1個鐘左右,又唔洗洗頭,成個過程極方便,比起李采玲,今次都係Perfect Hair勝!

 

生髮中心推薦:地點

 

接住上面個point,各位媽媽要湊B,都一定冇咁多時間去搞咁多嘢,所以生髮中心嘅地點就好重要!最好就近地鐵站、近商場、近巴士站,咁交通都方便啲呀嘛~如果有多幾間唔同地區嘅分店揀就更加好啦,有時去開街,就可以做完生髮treatment再去行街,幾方便呀!

 

不過地點嚟講,李采玲就真係麻麻地,佢得一間舖頭,仲要係宋王臺個邊,見佢網站教人點去,都要地鐵轉巴士,或者巴士轉小巴,如果住得遠啲,分分鐘車程仲耐過做生髮療程嘅時間!

 

而Perfect Hair係全港就有8間分店,港九新界都有,真係好方便,好似我住尖沙咀,去旺角Perfect Hair做又得,阿B係灣仔上playgroup,我去銅鑼灣Perfect Hair又做得。我外家係大圍,有次我返外家食飯,我順路去咗Perfect Hair沙田分店都極方便!所以地點嚟講,絕對係Perfect Hair贏啦!

 

生髮中心推薦:服務

 

我諗有好多join得生髮療程嘅,都唔止追求生髮效果,都想間生髮中心服務有返咁上下,如果次次去做療程都俾人黑口黑面,又或者咩都要自己搞掂,咁就好似有啲貼錢買難受咁~

 

去得李采玲我都預咗唔會有極好嘅服務,佢係有好多staff,不過成個環境就好似salon咁,每個人得一個位,如果想要私人空間就要貴少少用VIP房~同埋去呢到係要洗頭的,但啲staff就唔會幫你吹頭,次次都係要自己吹頭。

 

而我去Perfect Hair就覺得服務係全面好多,首先佢每個人做療程都係用獨立房,同埋好多時都係一對一,所以對於生髮療程上有咩唔明都可以即刻問個治療師。同埋Perfect Hair嘅治療師講解療程好詳細,真係會make sure你清楚成個F8生髮療程個原理係點樣,感覺上Perfect Hair嘅服務就貼身好多啦!所以服務嚟講,Perfect Hair勝!

 

生髮中心推薦:效果

 

講到揀生髮療程最重要,非生髮效果莫屬啦!講到底,就算技術、服務有幾正,地點幾方便,萬一完全生唔到頭髮,都等於成個生髮療程無用。有好多生髮中心係做完package包嘅療程次數之後,見到你話好似冇咩效果,就會氹你繼續買療程,話做多幾次就會Work架啦~其實一次完整嘅生髮療程,閒閒地都會做2至3個月啦,要生頭髮一早生咗啦!如果要繼續做先知有冇效嘅,咁就代表個生髮療程根本冇效。

 

我一開始去李采玲個陣,就唔係好信齋用焗頭就可以生到頭髮,不過我又認同產後媽媽生完B係要用中藥補下,所以姑且就試吓用中草藥可唔可以改善到產後脫髮。前前後後我一共去咗3個月,咁當然唔係每個星期都一定去到,大約1至2星期點都會去到一次。

 

3個月之後,我就覺得啲頭髮除咗多咗一陣草藥味,同埋甩少咗頭髮之外,產後脫髮嘅問題都冇咩大改善,髮線都係咁後,冇明顯生到頭髮,所以我覺得可能真係要好勤力咁去焗頭,或者比較適合防脫髮為主嘅人。

 

至於Perfect Hair,當初join package個陣就講過,大約3個月左右就應該會睇到生髮效果,其實我keep住每個星期做1次,大約2個半月,係額角就已經開始生咗啲BB毛,到真係做曬10次F8生髮療程,成個頭甩少咗好多頭髮,明顯感受到頭髮量多咗、厚咗,而且啲BB毛仲持續生長中。講真,成個生髮效果比我想像中好好多,我本身都冇預計啲頭髮會生得咁明顯!唔洗多講,生髮效果自然都係Perfect Hair勝!

 

係技術、時間、地點、服務、生髮效果嚟講,我覺得Perfect Hair真係明顯好好多!唔單止真係改善到產後脫髮嘅問題,更加可以令我啲頭髮變得更加強韌,又唔會再甩咁多頭髮。加上Perfect Hair F8生髮療程明碼實價$2888就有10次療程,對比其他生髮中心療程嚟講,真係一啲都唔貴~要我推薦生髮中心,我就一定揀Perfect Hair!

 

上面提及我join Perfect Hair package之前,有得免費試做一次Perfect Hair F8生髮療程,我就係經下面條Link登記,希望幫到咁多有產後脫髮嘅媽媽網友~

 

Link👇

 

免費體驗 Perfect Hair F8 生髮療程

 

發表於2021.6.22
留言(0)
博客名稱 :
Emma@564616152
網誌名稱:
EmmaABC's blog
使用天數:248
年齡:0
按月份瀏覽
    2021
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
>> 更多
系統分類
  • 美容時尚
  • 親子育兒
  • 生活品味
  • 其他